客家語文篇(31) 創意故事研究篇

客家語文篇(31)【創意故事研究篇】▲兔仔三戰龜仔走逞遽．下下輸龜仔原因何在
※本篇[創意故事]結構：
◆1.上天巧思造萬物．利益各等都相同 ：
◆2.兔仔veˋ體態皎gauˋ美又溫純．常娥仙女帶兔上月宮：
◆3.兔族見狗來．卅六計走為上策：
◆4.龜仔與狗相逢．憑pinˋ符fuˇ打死不走：
◆5.兔以己之長欺龜之短 ．強邀龜仔ieˋ相走拼逞cinˋ遽giakˋ：
◆6.兔仔看龜目屎樣．龜忍趖soˇ爬終就贏：
◆7.兔輸不服上訴再來拼 ．龜設賽程兔無奈是[河]：
◆8.兔龜各族為了族群榮譽．成立[揠iat 咻siokˋ隊]來鼓勵加油：
◆9.兔仔連輸兩擺不服再上訢．暗中設計崎斜山路來欺龜：
◆10.山兔威風凜凜limˋ拼出來挑戰 ．忍者龜續sa詐病趖soˇ出來應戰：
◆11.兔仔慘輸目珠噭gieu紅迄今猶未消 ．龜講一切煩惱多半係因強出頭：
▲兔仔三戰龜仔走逞遽 下下輸龜仔原因何在
◆上天巧思造萬物.利益各等都相同 ：
混fun沌tunˇ初開,上帝創造萬物,都係he以[天地萬物都平等]介天條法理做基準,並以[利益均等原則]做附帶考慮因素,致使凡間有安寧。所以動物身材體型也採取[自由民主]介方式,隨由各眾物自己去選去擇tok各身材體型與體能。但係為了凡間各物類數量上的均衡發展,天庭又制定[食物鏈]與[生存競爭,自然淘toˇ汰tai]介常規,做為各眾物的數量控制。
◆兔仔體態皎美又溫純.常娥仙女帶兔上月宮：←[兔目珠仁,烏白分明,日夜兩用]話講；兔仔心野野好hau動又愛靚ziangˊ,就選了neˇ當時[毛長又軟,耳公像雷達,可做180度介轉向,後腳比前腳長兩倍,一踐zien一跳tiauˇ,當過行五六步],再加上當時的[目珠仁]同人一樣,[烏白分明]又搭[日夜兩用],致使分[月宮]仙庭介仙女常娥千挑tiauˊ萬選,才選到帶玉兔上天去月宮做伴panˊ。
◆兔族見狗來卅六計走為上策：←兔族曰：聲聞狗來,卅六計走為上策！有一日天晴地朗,龜仔就爬bakˋ上songˊ岸ngan上hong,想愛曬日頭取暖搭利用日光消毒圓身。恁堵duˋ好在該ge時節,兔仔對窿lungˇ肚裡爬paˇ出來,兩儕saˇ一堵duˇ頭相當歡喜,互相稱呼fuˊ[親堂](因為[龜]姓同[兔]姓介字頂高,字介撇型,完全相同,即視為原始係同宗)。兔仔就同龜仔講：[涯ngaiˇ]等兔族同龜族,一生都係驚狗仔,[涯]看到聽到狗仔一來,就落尾仔一瀉,就走落窿肚裡去,平常時節又有準備三隻透暴窿,做得穿透teu來保命。同時又同龜仔講：像你等龜仔恁趖soˇ奈做得啊laˇ！像[涯]等兔族介祖先有交代dai ,看到狗仔時必定愛[卅六計走為上策]！
◆龜仔與狗相逢憑符打死不走：【狗咬烏龜----無從下手】→龜仔就大聲應in話講：恁anˋ驚死咦iˊ！[涯]等龜族看到狗仔擒kim過來時,憑pinˋ無走介,只要頭同腳一縮giuˊ,任im 在佢giˇ！哈哈哈！凡間介人還稱說sotˋ[涯]等龜族介縮giuˊ縮sukˋ功夫相當好,又搭dapˋ還講：[狗咬烏龜----無從下手]介一句好話成語來誇獎[涯]等龜族。龜仔話講到這,突然間,以前分狗仔擒kim來翻panˊ到doˋ的暗am傷,續sa一時節,一陣又一陣的痛起來,龜仔遽giakˋ遽歸洞食傷藥。當時兔仔聽到龜仔取笑[恁anˋ驚死咦iˊ]介一句話,兔仔轉到窿肚裡以後,歸暗晡buˊ仔都係反躁cau睡唔得,認為係一種嚴重的訄kauˊ誚seˋ與侮vuˋ辱iuk。雖然窿肚裡介眾兔,看到這隻兔仔單思孤獨的悶mun悶不樂,也行前來關心伊。但係這隻兔仔也不答不理眾兔介好意,就緊想緊愐menˋ愛樣ngiongˋ般來報復,訄kauˊ誚seˋ倒do轉來這件事,嘎ga無,有損兔族介名聲,所以第二日單獨一隻,當早就來到老地方等待tai 龜仔。話講.這隻龜仔聽到兔仔講：[祖先有交代,看到狗仔時,必定愛卅六計走為上策]介一句話,心肚裡忍唔住het介笑聲,笑到今猶iuˇ未消,連昨暗晡睡目也在夢中謔nakˋ出聲來,若係he唔係me當時暗傷復發,可能會謔nakˋ死。所以龜仔暢tiong了ngeˇ歸暗晡仔,第二日打早相同就來到老地方,看啊na兔仔還有麼makˋ介較go新鮮較好笑介無？
◆兔以己之長欺龜之短 .強邀龜仔相走拼逞遽：第二日恁anˋ準時,兩儕saˇ比beˇ比來到老地方,一儕怒nu氣未消,一儕樂暢tiong猶存。但係兩儕都係各掩amˊ磡kamˋ腹bukˋ內介心思。兔仔就先提議講：昨晡日[涯]看你笑[涯]走介問題,今晡日[涯]等來走zeuˋ逞cinˋ遽giakˋ好嗎？龜仔聽到兔仔講：[走zeuˋ逞cinˋ遽giakˋ]介[走]時,又係哈哈大笑,不經考慮隨口答應講：[做得！]。這個時節,兔仔心中相當高興,覺gokˋ到兔仔[中計],同時對龜仔講：君子不虛言,一言既gi 出,駟si馬難追zuiˊ。所以兔仔遽遽劃線並指定目標,搭先讓ngiong龜仔先走一段路以後再趜giukˋ過去。龜仔在暢tiong樂之下隨便答應龜仔[來走逞cinˇ遽],一路上也唔驚日頭曬與熱,也不後悔fiˇ,一步一步向前爬paˇ。
◆兔仔看龜目屎樣.龜忍趖soˇ爬終就贏：兔仔看到龜仔爬有一半介路程cangˇ了ngeˇ,起腳就像[風速40米]介樣式趜giukˋ過去,龜仔一下地veˊ就畀biˋ抄cauˊ過去,會到終點介頭前,兔仔翻fanˊ頭一看,龜仔還係親像在起跑pauˊ點該跡giakˋ仔一樣。該ge時節,走啊va也喝hot 喝地leˊ了ieˇ,又堵duˋ好路邊有一頭大樹,兔仔就想；[涯]這下在樹頭下恁涼,來睡一覺gau目起hiˋ來,龜仔也唔曾cienˇ爬到,所以佢就攤danˊ平地泥,一下地veˊ就睡落覺。龜仔雖然爬的速度恁anˋ慢,總是又比蟻公趖soˇ還較go遽,該時節,天頂高的日頭恁anˋ烈latˋ又熱,龜仔拿出伊龜族介精神本色[忍耐再忍耐],同時一路上,盡命牯guˋ爬,心肚裡又搭dapˋ唱起客家歌曲[皇天不負苦心人]這條歌仔,來鼓勵自家。恁地neˊ,唱啊nga唱地ngeˊ,不知不覺就到終點前。該時節,頭那naˇ[傲nau]來[傲nau]去都無看到兔仔,只有聽到相似有人在該煲boˊ粥zukˋ[咯goˇ咯goˇ滾]介聲音一樣,龜仔定眼一看,原來係兔仔在恁涼的樹頭下酷kukˋ睡,龜仔緊腳輕步爬到終點,到最高介樹頭下以後,大聲唱出[唉ai 喲io！汝輸涯！]。兔仔對夢中驚醒一看！龜仔高興到四腳撓ngia天,眠啊na在終點介後背,又搭緊唱[天公啊naˇ！落水喲！]。兔仔面垂seˊ垂到doˋ走過來認輸！
◆兔輸不服上訴再來拼 .龜設賽程兔無奈是[河]：兔仔走輸了這擺baiˋ 介比賽,心肚裡相當的不服fuk,向龜仔挑tiauˊ戰要求再來拼一擺baiˋ,龜仔愐menˋ了neˇ一下講：恁好hau拼係meˇ？做得！唔過今晡日係你決定的路線,另日愛由涯指定路線好嗎？兔仔講：隨在汝！龜仔又講：下次目標係對面河床介三墩dunˊ竹頭,唔好用大樹做目標了,涯又驚怕汝在樹頭下,轉擺baiˋ睡忒hetˋ,唔過日期約定選在落大雨後介第一日朝zeuˊ晨。龜仔同兔仔互相約定以後,互相拜別,互道再見,歸轉洞窿去了ieˇ。
◆兔龜各族為了族群榮譽.成立[揠咻隊]來鼓勵加油：兔仔歸轉到窿邊時,唔敢行大窿,對後背尾介細窿仔,偷偷地veˊ尖入落去。該時節,眾兔也唔知龜兔走逞cinˋ遽,兔仔走輸介大條新聞。 第二日七早八早,這隻兔仔就在窿介外no背練走搭祈求天公落大雨,使得比賽日期提早來臨,這隻兔仔介行動表現不比平常,就分長zongˋ兔纏問出來,終於爆發了兔仔走輸介大條新聞,引起全窿兔竇deu大家介不滿,指責這隻兔仔有失兔族介名聲,並開會議決下次比賽介時節,全窿兔仔必定愛出席到場加油！話講；這隻龜仔走贏了兔仔,在歸轉龜洞介一路上,滿腹bukˋ介歡喜與快樂,一轉到龜洞時,隨即將這條大新聞公佈,週知全洞眾龜,眾龜知得了這條大新聞以後, 高興萬分！萬分地高興！這隻龜仔隨時又宣佈；[兔仔走輸了不服,要求再來拼一擺baiˋ]介消息,眾龜聽了以後,全洞眾龜續sa一時恬diamˊ靜起來,眾長者就開嘴講：贏了一擺baiˋ就好了,唔好再比第二ngi 擺baiˋ。這隻龜仔就同眾長者講：[涯]等背囊longˇ上把baˇ有八卦,一卜就知,請大家唔使愁seuˇ慮,這擺baiˋ 係涯指定介路線,萬無一失,必定會贏！眾長者聽了[必定會贏]以後,正安心下來,同時指示全洞眾龜,到時必定愛出席到場加油！兔族同龜族為了族群介榮譽,分別在兔窿與龜洞開族群大會,開會議決下次比賽勢在必得。當大會一開束sot介時節,天空就烏天暗地,接等雷公鏘kiang天,又搭落大麻雨,經過了一兩點鐘介大雨以後,下夜也係滿天星斗,該時節在兔窿介兔仔與龜洞介龜仔,都係非常高興講：天光日有[兔仔與龜仔來走逞ciinˋ遽]介比賽大會, 大家準備睡目,天光朝晨愛到比賽地點集合,做揠iatˋ咻siokˋ隊,做加油介鼓勵工作。第二朝晨打早,天晴地朗,兔族同龜族兩隊兵馬也依約來到比賽介地點,當這兩隻比賽介兔仔同龜仔到場看到對方帶恁多兵馬來,都係異口同聲介問講：汝樣ngiongˋ會帶恁多兵馬來呢？同時這兩隻比賽介兔仔同龜仔,又係異口同聲介同樣回答講：這一切都係出於自動自發介。兔仔同龜仔又同時哈哈大笑講：噢o！[涯]等龜兔兩族實在有族群團結合作之心。兔仔為了搶轉上次走輸的面子,緊催cuiˊ龜仔遽遽來比賽,該ge時節兩片介揠iatˋ咻siokˋ隊,吶iui吶嚎hoˇ嚎！在比賽之前,兔仔先將比賽規則同大家報告,並將目標講分大家知得,又搭daˋ表明愛同上擺一樣,先讓龜仔先走一段路程以後才nang開始走,龜仔隨口講：公平義取,兩儕saˇ比beˇ比走zeuˋ,莫是輸了veˇ又再生sangˊ話緒si。兔仔聽了龜仔這句話,心中也暗想講：讓伊毋愛moiˊ,涯就愛比龜仔四倍介速度來走,同時多走來回四轉,來搣mietˋ衰伊啊iaˋ咧,所以就[預備]！砰bongˋ！兔仔同龜仔就開始走了！該ge時節,兔仔一下地veˊ就拼bia到當遠去了,但是龜仔相似還在原地一樣,在場介兔族也付出同情之心,來向龜仔[揠iatˋ咻siokˋ]！來加油！這隻比賽介龜仔,看到恁anˋ多兔仔來付出同情之心,來向伊[揠iatˋ咻siokˋ]！來加油！心肚裡唔知愛譴kienˋ也係愛笑,還是無法度來做決定,這隻龜仔也當得意愐menˋ到暗中大笑講：兔仔走恁遽giakˋ做麼介？[涯]龜仔背囊上有把baˇ八卦,都唔係把假介哩！昨暗晡上song山落恁大雨,這下雖然兔仔走到河床邊了neˇ,相信伊也唔曉得用泅ciuˇ水過去,這擺是siiˇ分[涯]設計到了veˇ嚎hoˋ！當龜仔爬走到河壩唇時,後背來加油[揠iatˋ咻siokˋ]介大隊也跈tenˇ等來,在河壩唇續sa看到比賽介該ge 隻兔仔,四腳撓ngia天橫vang倒doˋ在地,兔仔介[揠iatˋ咻siokˋ]大隊,緊緊將兔仔扶起,搭大聲問伊講：係唔係又得意忘形,走到這跡giakˋ仔又在這睡目了geˇ啊iaˇ？參賽介兔仔噭gieu到目珠紅紅講：[涯]為了兔族介名聲與榮譽,[涯]一路盡命牯走,[口亡]mangˇ知！走到這河壩唇,昨暗晡上山落大雨,河床漲啊nga恁大水,[涯]跈河壩唇向上游走,又向下游走,一共走了五六轉,都尋cimˇ唔到較狹hap的河床,看啊na做得跳過去無moˇ？又無橋仔好過,正zang會走到無力,軟頭扁折zapˋ橫啊nga在這跡仔。這隻兔仔目珠紅紅又搭噭出來再講：又還有一件事,無講你等唔知,就係涯走到河壩上游較狹介急湍tanˊ時,賭牲命想愛過去,續sa一蹉co一翻panˊ,險險分大水滂pongˊ走,又搭身上的毛,蹉co落lotˋ一多,你等大家知無？這一切都係為了兔族介榮譽來拼介。眾兔聽了這兜deuˊ情況,只有心中道嘆,恬diamˊ恬無話講。最後,這隻比賽介龜仔帶領眾龜,做一個軟身操以後,[丼diimˊ]一聲,疲爬憊pit 蹶,兩下手板就泅過去,去到達目標終點又倒do轉來,搭一路上大聲合唱[唉ai 喲io！汝輸涯！]這條歌仔。兔族看到這個情景,滿腹bukˋ介[鬱vutˋ悴zutˋ],鬱在心肚裡,心中相當不服,其中有個兔族長者當場提議再來拼bia一擺,以決定終生介勝負,龜族長者愐卜了geˇ一下講：做得！唔過,各選代表換選手來比賽較go新鮮！較生趣！兔族長者當場同意,但要求比賽路線換過兔族來決定,龜族長者又愐menˋ卜了geˇ一下講：做得！恁地neˊ第二場比賽到此結束散會, 龜兔各自回家去了ieˇ！眾兔歸轉到兔窿lungˇ時,議論紛紛,道嘆這兩次的比賽實在係冤枉輸介,好在長者當場提議再來拼bia一擺,以決定終生介勝負。所以第二日又召開兔族大會,大家在該集思廣議失敗介主要原因,其中一位長者講：這擺的失敗,分明知得係中到龜族介暗計,明知落大雨河床會漲水,涯等又唔會泅,奈有辦法同龜仔比啊iaˇ,下次由涯等指定比賽線路,涯看又係me愛設計報復倒do轉來。
◆兔仔連輸兩擺不服再上訢.暗中設計崎斜山路來欺龜：眾兔分長者一講,儕saˇ儕都同意這種說法,前兩次引起比賽又輸介兔仔,也擎kiaˇ腳提議講：各位眾親！前兩次的比賽來輸,兔族介面子分涯覂fungˋ淨淨,蓋對唔起眾親！這次再分涯一次機會,涯再來同伊拼bia一擺好嗎？身邊介細兔仔聽到再分伊一次機會時,緊跳又搭大聲反對講：做唔mˇ得！做唔得！還瀉sia衰人咧！因此在眾議之下,由長者決裁：請山兔來同龜族拼,同時指定又斜ciaˇ又有崎gia介山路,看啊na龜族愛樣般走！眾兔大家聽了以後,都係緊拍前腳搭後腳,跳上跳下相當高興！由長者決裁以後,眾兔成立[馬上辦中心],趁ciin龜不備,遽giakˋ遽天光日就將[邀戰帖]送去龜洞馬上再比賽。再講；這個走贏的龜族大家,一路上排等nenˋ列,唱出威武莊嚴的軍歌轉歸到龜洞屋家,老嫩大細se大家都係非常的歡喜,最後龜族介長老召seu集眾龜開會做兩件事：第一件,褒獎參賽者以智取勝兔族,非常有爭取龜族介榮譽表現。第二件,討論樣般在第三擺再來贏兔族,討論到這點時,龜族長者就先提議聘請本洞[武藝登珍,功夫真好]介[忍者龜]來做代表參賽,眾龜全數一致表決讚同,龜族長者又搭再三吩咐眾龜,不得洩siap漏秘密介參賽名單,眾龜答應後,即時回轉各龜位跡giakˋ睡目。第二朝晨打早,兔族派代表送信將[邀戰帖]送來龜洞,龜族介長老接來一看,邀戰日期就係在今晡日當畫zu日頭對頂介時節,龜族介長老將回帖答應回信寫：一切遵照辦理,敬覆。當兔族送信代表回頭轉去時,龜族介長老就將[邀戰帖]當眾宣讀,並再宣佈龜族介選手代表係[忍者龜],眾龜知得這個消息以後,就像凡間人類愛過[過年]介一樣歡喜,同時愛看[忍者龜]介表現,係有一登珍！
◆山兔威風凜凜limˋ拼出來挑戰 .忍者龜續sa詐病趖soˇ出來應戰：當畫zu日頭對頂介時間一到,龜族同兔族人馬到齊ceˇ,兔族介代表山兔也係威風凜凜limˋ拼出來,龜族介代表[忍者龜]續趜giukˋ到會死會死樣趖soˇ出來,頭下由主辦介兔族長老宣佈賽程cangˇ同路線,兔族眾親聽了所宣佈介[賽程cangˇ同路線]時,眾兔隻隻都係用前腳掩emˊ等嘴,唔敢笑出來,只是心肚裡講：這擺龜仔介功夫,[龜腳會走出來了ieˊ]！日頭一對頂,砰bongˋ！一聲！山兔以射箭介速度[咻hiu咻滾]向前進。該ge時節忍者龜詐病樣,一步一步爬,兩片介龜兔[揠iatˋ咻siokˋ隊]都同[忍者龜]揠咻加油,等到一段時間,忍者龜昂ngo 起頭來一看,山兔會到了veˇ,伊就企kiˊ起來[一搖身],忍者龜當場不見忒hetˋ了,原來[忍者龜]已經企啊ie在終點上,大聲唱[唉ai 喲io！汝輸涯！]這條歌仔！
◆兔仔慘輸目珠噭紅迄今猶未消 .龜講一切煩惱多半係因強出頭。 ←背把八卦,凡事不急 最後龜兔兩族在比賽大會上發表感言,先下由兔族長老講：涯們兔族一向hiong都係敦親睦mukˋ鄰介,所以有[好兔不食窩voˊ邊草]介優雅稱號,恭禧忍者龜得冠軍,涯等兔族得亞軍,事情圓滿結束。龜族長老又講：涯等背boi 把baˇ八卦,凡事不急。一切煩惱事情都係因強出頭,唔好恁好來爭贏輸。在做龜仔也係做事方面,應該縮頭時就愛縮頭,故所[咬烏龜----無從下手],像兔仔就無龜仔介忍耐美德,正會為了贏輸來計較,將[鬱vutˋ悴zutˋ]噭gieu 到目珠仁啾ziuˊ紅,譴到耳赤ciakˋ赤！到今猶未消！
◇本篇章用客家[四縣語文音]注解：
1.逞cinˋ遽giakˋ：比賽速度快。走相[钁]giukˋ,[钁]字內[金]改[走]。
2.憑pinˋ符fuˇ：即怎麼說怎麼做,一言為定。
3.趖soˇ爬：喻很慢。[蛞seˇ,趖soˇ,爬paˇ,行hangˇ,走zeuˋ]動詞。
4.混fun沌tunˇ：茫茫然,一切雜混不清。都係he：都是。
5.去選去擇tok：選→好中取選,[好壞]中取選→擇tok。
6.一踐zien一跳tiauˇ：用後腳跟→踐。用前趾→蹶kiat(kiet 北部音)。
7.岸ngan上hong：又稱連崗gongˊ。堵duˋ好：剛好。
8.窿lungˇ；地平下藏身地。洞tung：地平上。巖ngamˇ：山崖下。
9.穿透teu：互相可通。透teu土狗仔：灌蟋蟀。
10.[涯ngaiˇ]：我,[涯ngaiˇ]改人部首。：[涯ngaiˇ]等：我們。
11.縮giuˊ縮sukˋ：伸縮。伸cunˊ縮giuˊ。
12.任im 在佢giˇ：放任隨便他。翻panˊ到doˋ：向後方倒下。
13.反躁cau：轉側不成睡眠。歸暗晡buˊ仔：整個晚上。
14.訄kauˊ誚seˋ：泠言相譏笑。侮vuˋ辱iuk：言與行互相指罵打。
15.緊愐menˋ：暗中想。愛樣ngiongˋ般：要怎麼樣。
16.倒do轉來：返回。倒doˋ轉來：水倒回來。
17.嘎ga無：若無,啊無。謔nakˋ：笑。暢tiong：高興。
18.比beˇ比來：一起來,共下來。
19.掩amˊ磡kamˋ：掩蓋。磡kamˋ：石類蓋住。掩amˊ(emˊ)→土類。
20.再趜giukˋ：再趕。走相[钁]giukˋ,[钁]字內[金]改[走]。
21.兩儕saˇ：兩人。儕saˇ儕saˇ：人人。
22.抄cauˊ過去：追趕過去。畀biˋ：給他,[分佢]的簡語。
23.喝hot 喝地leˊ：力氣消耗疲憊。唔曾cienˇ：還沒有,[口亡]mangˇ。
24.盡命牯guˋ：拼命地。唱啊nga唱地ngeˊ：唱了唱----就。
25.[傲nau]來[傲nau]去：轉來轉去,[傲nau]改提手部。頭那naˇ：頭。
26.煲boˊ粥zukˋ：煮稀飯。咯goˇ咯goˇ滾：稀飯滾聲,打鼾。
27.酷kukˋ睡：熟睡。酷kukˋ(又音kutˋ)睡。
28.垂seˊ垂到doˋ：不好意思而低頭。撓ngia天：朝天。
29.轉擺baiˋ：做一個段落而休息。朝zeuˊ晨：早晨。
30.兔竇deu：兔窩。[窩voˊ,巢sauˇ,竇deu]字義不同。
31.背囊longˇ：背部。滿腹bukˋ：全心。
32.雷公鏘kiang天：雷聲隆隆。開束sot：開完結束。
33.揠iatˋ咻siokˋ隊：啦啦隊,[揠iatˋ咻siokˋ]：幫忙。
34.樣ngiongˋ會：怎麼會。
35.吶iui 吶嚎hoˇ嚎：搖iak旗吶iui 喊hemˊ,呼叫雜亂之聲音。
36.莫是輸了veˇ：假若是輸了,[若ngiok→莫mok]語音變化。
37.砰bongˋ：客語狀聲詞,砰biangˋ：河洛,砰pong：華語。
38.跈tenˇ等：跟著來。橫vang倒doˋ：跌倒。
39.這跡giakˋ仔：這個地方。該ge：那。
40.[口亡]mangˇ知：料想不到。這兜deuˊ：這些。
41.看啊na做得？：看一看可以嗎？打早：一大早。
42.軟頭扁折zapˋ：喻有氣無力,頭己軟化,無精打彩。
43.一蹉co一翻panˊ：蹉co→滑倒,翻panˊ→仰倒。
44.滂pongˊ走：大水沖走。蹉co落lotˋ一多：碰擦掉落多少。
45.恬diamˊ恬：靜靜。惦惦diamˊ。搭dapˋ：而且。
46.鬱vutˋ悴zutˋ：內心憂愁,悶悶不樂。拼bia→biang(北部音)。
47.覂fungˋ淨淨：完全被撞倒掉。崎gia：斜坡度高。
48.愐menˋ卜了geˇ一下：暗中想又卜算一下。
49.瀉sia衰人：丟失顏面。老嫩大細se：老幼大小。
50.當畫zu：正午。對頂dangˋ：對上面正中間。趜giukˋ到：假裝。
51.耳赤ciakˋ赤：耳朵矗立。譴kienˋ：怒。
52本篇章白話文文中[a,e,o]三音介聯音字,如下十字各有九音：(1).a 韻母音字(啊,也)。 (2).e 韻母音字(個,的,介,地,了,得,仔)七隻字。(3).o 韻母音字(噢) 。(4).共同各別聲母(V,L,I,M,N,ng,g,b,)與本單音(a,e,o)。