一隻手的乞食仔

一隻手的乞食仔

◆客語廣播劇(47)：
一、編劇：一先(屏東教育大學研究生)二、劇中人：乞食仔,婦人家,美國婦人等三人。三、本文：客語廣播劇(47)一隻手的乞食仔以前行在都市，經過車頭也係市場，有人潮介地方就有乞食仔，有兜deuˊ介乞kietˋ食仔係好手好腳，唔mˇ願做事se,好食懶做，情願四處流浪。有人做乞食係事出無奈nai,姑goˊ不而將介,有兜deuˊ介係無家無竇deu年紀數sii又老,無人收留。好在現下的政府會安排照顧,也係送入老人之家。但是,還是有兜的不願接受政府介安排，相反的,盡多流浪漢四處流浪過日。以前有一個二十零歲介乞kietˋ食仔,只有一隻手，自己認定無法做頭路,四處流浪為家，有一日在伯公下睡了一夜，餓了一暗晡buˊ介肚笥siiˋ,肚笥像響雷公一樣，嘰哩咕嚕,朝zeuˊ晨唔曾cienˇ天光,自家吵醒自家。企起來一,對面有一個婦人家，[挑kaiˊ]等nenˋ一擔菜籃愛去做事se，這個斷一隻手介乞kietˋ食仔,行前來開嘴就講：乞食：頭家娘恁anˋ早！[涯ngaiˇ]昨coˊ暗晡buˊ無食東西，這下盡肚饑giˊ，拜託分一碗飯分[涯ngaiˇ] 食好嗎？婦人：(看了neˇ一下)分一碗飯分buˊ你食。 乞食：(頷ngamˋ頭)唔ngˋ！係he啦！婦人：後生sangˊ人！你做麼介唔去做事se賺錢，愛同人分飯食呢？乞食：乞食仔：啀無屋無竇deu 身上斷銀錢，又才nang剩cunˊ一隻手了veˊ。婦人：(應in了neˇ乞丐一句愛)無成sangˇ一隻手就不能做事係he嗎？乞食：(頷ngamˋ頭)唔mˇ方便！婦人：你講毋方便，跈tenˇ[涯ngaiˇ] 來去田坵kiuˊ仔veˋ,[涯ngaiˇ] 教你做事se。◇音樂 ：◇旁白：乞食仔跈tenˇ等nenˋ這個婦人家來到田坵肚裡，田坵肚裡的蕃薯係昨晡日用牛仔犁介，還唔曾cienˇ有撿ngiamˊ揫ciuˊ,還散散，所以朝晨打早婦人家愛來[挑kaiˊ]蕃薯。這位婦人家將[挑kaiˊ]等的菜籃放下來同乞丐講；婦人：後生仔！你講你一隻手做事se毋mˇ得，你看[涯ngaiˇ] 做分bunˊ你看。乞食：(企kiˊ在身邊看) 婦人：(用一隻手將蕃薯一條一條撿做一堆一堆)後生仔！有看到[涯ngaiˇ] 用一隻手做無moˇ？ 乞食：(頷ngamˋ頭)唔！有看到！婦人：來！你試看哪na咧 leˊ！(指田坵肚裡一大坵田介蕃薯)該ge兜蕃薯你同 [涯ngaiˇ] 撿做一堆一堆，分[涯ngaiˇ] [挑kaiˊ]轉屋家。乞食：(心肚裡想,這下[涯ngaiˇ]是siiˇ有蕃薯好食了leˇ哪na，就答應)好！[涯ngaiˇ] 來撿ngiamˊ。◇音樂：◇旁白：乞食仔依照該ge位婦人家介指示，用一隻手將蕃薯一條一條的擐kuan做一堆一堆，看到婦人家[挑kaiˊ]走蕃薯時，就偷食了leˇ幾下條來止饑giˊ，經過了幾下點鐘以後,滿頭全身大汗，一坵田的蕃薯，全由乞食仔用一隻手幫忙完成。婦人家也請乞丐到屋家,捧bungˋ出一大碗公介飯菜，使得乞丐仔食到非常過癮ngian，乞丐仔月婦人家感謝；乞食：頭家娘！承蒙你！分妳請這餐十分飽。婦人：毋使承蒙，這係你做事se流汗換來,應該介代價。乞食：(聽了ngeˇ這婦人恁anˋ地neˊ一講，頭腦忽然間想通了ngeˇ，心情特別高興) 頭家娘！[涯ngaiˇ]年紀還細,還愛承蒙妳教[涯ngaiˇ] 實務,來學這門課。婦人：[涯ngaiˇ] 只不過係一個鄉下婦人家，根本無過讀書，毋識字介婦人家，麼介教你課！乞食：(愛離開時)頭家娘！承蒙妳就著cok了geˇ啦，[涯ngaiˇ] 愛來走了veˇ。婦人：等一下(拿了veˇ塑膠袋裝了ngeˇ一大包蕃薯)這包蕃薯分你肚飢時好食。乞食仔：(接承siinˇ過手) 嘎ga[涯ngaiˇ] 就無細se義ngi 了ieˇ喲io！。◇音樂：◇音樂：乞食仔離開了ieˇ這個農村,來到另外一個村莊，心肚裡緊想該ge婦人家所講過的話；麼manˋ人講一隻手做毋得做事se。又看到這包蕃薯，緊想這包蕃薯就係 [涯ngaiˇ] 一隻手做事換來介呀！利用這包蕃薯唔前食忒hetˋ之時，想看啊na有麼介事se好做介，想來想去！對！將人家豁vokˋ忒丟到垃lapˋ圾satˋ桶中，還有可用介東西撿來賣。因此,從第二日開始工作，一個月下來將所有撿介東西,分類賣分資源回收，不但解決三餐食飯的問題，省sangˋ食省用,還存有多少地錢，感覺蓋有成就感。每日蓋煞satˋ猛mangˊ撿人家唔愛moiˊ介東西。有一日這個乞食仔經過外國人住het的門前，美國婦人家會講中文喊乞食仔；美國婦人：後生人！ [涯ngaiˇ] 愛搬屋,做得同 [涯ngaiˇ] 幫忙搬東西嗎？乞食：可以是siiˇ可以，唔過 [涯ngaiˇ] 淨ciang有一隻手，動作會較go慢。美國婦人：無關係，因為 [涯ngaiˇ] 看你撿資源回收，恁anˋ煞猛才會喊你幫忙。乞食：(唔好moˋ意思)哪有！哪有！美國婦人： [涯ngaiˇ] 這兜東西做唔得遽giakˋ，愛慢慢搬才不會打壞。乞食：喔！這兜東西做麼介愛搬？美國婦人：[涯ngaiˇ] 介先生在這台灣做工程，這下工程完成了neˇ,所以愛轉美國。乞食：喔oˋ！美國婦人：所以這棟屋人家買去,下星期愛交屋。乞食：(看屋仔介東西非常多)頭家娘！這兜東西恁多呢？美國婦人：所以 [涯ngaiˇ] 有用到愛帶vaˋ走介， [涯ngaiˇ] 會帶走，像電視、冰箱、洗衣機、廚房用介、房間用介、屋肚介東西，全部好好新介， [涯ngaiˇ] 帶毋走介,你係適用介,你就搬去,送你！乞食：(聽到講適用你就搬去，忍不歇)嗄haˊ！送 [涯ngaiˇ] 喲！美國婦人：係呀！反正 [涯ngaiˇ] 愛轉美國了leˇ，又帶毋轉，愛送分別人嗎！ [涯ngaiˇ] 識介台灣人又無幾多。乞食：(想唔到今晡日,真係比中彩券還較高興)。◇音樂：◇旁白：外國人走了veˇ以後，乞食仔將美國人留下的家具分類，變賣還賺了一筆小錢財，在鄉下買了ieˇ便宜的荒地做倉庫,繼續做資源回收的工作，請了街友流浪漢大家當做工作朋友，幫忙佢giˇ等denˊ生活三餐介問題，自己當起了資源回收的老闆。有今晡日的成就應感謝鄉下的該ge位婦人家。有一日,一身西裝打扮,手擐kuan一合禮物，來到三年前的這一家，堵duˋ好這個婦人家還係[挑kaiˊ]等菜籃準備愛去田坵肚裡做事se，乞食仔一看到就喊；乞食：頭家娘！ [涯ngaiˇ] 又來了ieˊ！婦人：(看了neˇ又看)蓋熟面！當像識看過，毋過一下愐menˋ毋起你係麼manˋ人。乞食： [涯ngaiˇ] 喲！乞食仔啦！婦人：(好笑)你這個大頭家,樣ngiongˋ恁會講謔nakˋ！乞食： [涯ngaiˇ] 無講謔nakˋ，[涯ngaiˇ] 就係三年前同你撿蕃薯介,該ge位乞食仔啦！婦人：(又看清楚)哎喲！蓋像！啊aˋ！這下。乞食：就係因為你教[涯ngaiˇ] 一隻手又係me可以做事，所以[涯ngaiˇ] 照你介話煞猛做事，今晡日有出頭，來報答若ngiaˊ人情介啦！婦人：喔oˊ！看你有出頭[涯ngaiˇ] 蓋暢tiong。乞食：頭家娘！[涯ngaiˇ] 今晡日還愛同你買一百斤蕃薯轉去分員工食。婦人：好！無moˇ問題。◇音樂：◇旁白：天公做事sii是sii最公平的，無論人有何缺點，總愛認真煞猛，人必定唔會餓死的，只怕好hau食懶做，別人也無法幫忙。機會福氣也係自尋cimˇ的，運氣若naˊ來鐵成金。 ======= 劇 終 ======四◇本文客語文(四縣)注解 1.有兜deuˊ介：有些。乞kietˋ食仔leˋ：討食仔leˋ,乞丐。2.無奈nai：不得己。姑goˊ不而將：不得不而來做。3.無家無竇deu：無家可歸,竇deu：巢。4.一暗晡buˊ：一個晚上。肚笥siiˋ：肚子。5.嘰哩咕嚕：狀聲詞,肚子餓的聲音。6.朝zeuˊ晨：早上。唔曾cienˇ：還沒有。天光：天亮。7.[挑kaiˊ]等nenˋ：擔著。[挑kaiˊ]字中[兆]改[亥]改。8.做事se：工作(勞力),事sii：工作(勞心)。9.肚饑giˊ：肚子餓,[餓ngo&饑giˊ]意思稍異。10.[涯ngaiˇ]；我,.[涯ngaiˇ]字從[イ]部首。11.後生sangˊ人：年輕人。頷ngamˋ頭：點頭。12.係he啦：是啦！無成sangˇ：難道。13.跈tenˇ：跟隨。田坵kiuˊ仔veˋ：田裡。14.唔曾cienˇ：還沒有。撿ngiamˊ揫ciuˊ：撿放在一起。15.試看哪na咧 leˊ：試看看。看哪na咧 leˊ：語尾虛字用語。16.這下：現在。該ge下：那個時候。17.好食了leˇ哪na：有好吃了啦！18.擐kuan：提拿。止饑giˊ：充饑。19.過癮ngian：滿足慾望。著cok了geˇ：對啦。20.恁anˋ地neˊ：這樣地。承蒙：感謝。21.無細se義ngi ：客氣。麼manˋ人：什麼人。22.豁vokˋ忒：暗中丟掉。23.省sangˋ食省用：省吃儉用。唔愛moiˊ：不要。24.蓋煞satˋ猛mangˊ：很努力。蓋→當。25.可以是siiˇ可以：本句後接相反語句。26.淨ciang有：只有。較go慢：比較慢。27.唔得遽giakˋ：無法快。佢giˇ等denˊ：他們。28.堵duˋ好：剛好。樣ngiongˋ恁會：這樣會。29.講謔nakˋ：講笑話。謔nakˋ人→取笑人家。30.若ngiaˊ人情：你的人情。蓋暢tiong：高興。31.本文中[啊,也,的,個,介,地,了,得,仔,噢]為[聯音字]。